{ الخيمة المغربية ,, مرحبا ببنات البلاد من طنجة للكويرة :)

مرحبا بكل وردة اطلسية .. و كل زهرة ريفية .. مرحبا ببنات الجبال,,

مرحبا بناس البسمة و حلاوة الكلمة .. مرحبا ببنات البهجة و السبعة رجال,,

مية مرحبا ببنات الجنوب .. و الف مرحبا ببنات الصحرا ذهبية الرمال,,

مرحبا ببنات الركادة : بنات الشرق .. و بنات الطقطوقة الجبلية : الشمال,,

مرحبا ببنات فاس, مكناس, و ارض سايس .. بزينات الوصاف و الافعال,,

و نكمل كلامي بسلامي لبنات العاصمة و الغرب.. كلام الخير فيهم يتقال ,,

{{ كاتبدل المناطق و معاها كاتبدل اللهجات و العادات و التقاليد.. و لكن المراة المغربية كاتبقى نفسها.. ديما متميزة فلباسها و مظهرها و حتى فافكارها و طموحاتها ..و خصوصا فهاد السنين التالية عرفات تطور كبير فالخدمة ف جميع الميادين و حتى الميدان السياسي.. و هادشي علاش ختارينا باش نفتحو ليكم هاد الخيمة نناقشو فيها جميع قضايانا و مشاكلنا .. و كل واحدة تهضر لينا على رايها فهاد التحول اللي عرفناه .. و علاش لا حتى على الحياة اليومية بين شغال الدار و القراية او الخدمة

و قبل كل شيء كانتمناو من كل اللي نوراتنا بمجيتها تعرفنا بنفسها و مدينتها .. و تهضرلنا على عاداتهم و تقاليدهم و كل شي على المراة عندهم .. منها تتوطد العلاقات بينا و منها نكتاسبو ثقافة اوسع على بلادنا و خيراتها .. و من بعد كل مرة نحطو موضوع نتناقشو فيه و غادي نديرو فالعنوان

و بقاتلي اشارة اخيرة .. ان هادي الخيمة الثانية اللي كانفتحوها نظرا لان الخيمة الاولى لاقات اقبال و نجاح كبير .. لهلا يخطي علينا بنات البلاد و صافي

و اللي بغات تطالع على الخيمة الاولى ما طلبات ما بعيد

الخِـيمَة ديـَالْ المراة العرَبـيـّة { المغربية }علاشْ مانْحَيدُوشْ الغرامَة مْنْْ العرسْ

بلا مانطول عليكم .. نخليلكم نتوما الكلمة و حق التعبير عن كل ما يجول في خواطركن

مع تحيات فريق الاشراف